குமரிநாடு.நெற்

தமிழை அறிவோம்..தமிழரை அறிவோம்..பழமைமிக்க தமிழ்ப்பண்பாட்டை அறிவோம்..

திருவள்ளுவர் ஆண்டு - 2049

இன்று 2018, ஆனி(இரட்டை) 23 ம் திகதி சனிக் கிழமை .

சிறிதேவி மரணம் எப்படி நிகழ்ந்திருக்கலாம்? - ஒரு மருத்துவ பார்வை பரத் சர்மா-பிபி சி

12.02.2049-25.26.02.2018-  குருதிக் குழாய் சார்ந்த இதய நோய்கள் மாரடைப்புஇந்திய மக்கள் சனிக்கிழமை இரவு, ஆழ்ந்த உறக்கத்தில் இருந்தபோது, துபாயிலிருந்து வந்த ஒரு துயர செய்தி அனைவரையும் துயரத்தில் ஆழ்த்தியது.

அந்த தகவலை உள்வாங்கிக் கொள்ளவே அனைவருக்கும் சிறிது நேரம் ஆனது. பலர் அந்த தகவல் உண்மையாக இருக்க கூடாது. வெறும் வதந்தியாக கடந்து சென்ற விட வேண்டும் என்று வேண்டிக் கொண்டார்கள்.

ஆனால் அது வதந்தி அல்ல.உண்மைதான். ஆம், சிறிதேவி 54 வயதில் இந்த பூவுலகைவிட்டுப் பிரிந்து சென்றுவிட்டார்.

சிறிதேவி: மீனம்பட்டியில் இருந்து மும்பை வரை

'மயிலு முதல் கோகிலா வரை': உள்ளம் கவர்ந்த 5 முக்கிய சிறிதேவி பாத்திரங்கள்

அவர் துபாயில் ஒரு திருமண நிகழ்வில் இருந்தபோது, அவர் கார்டியாக் அரெசுட்டில் இறந்தார் என முதற்கட்ட தகவல்கள் தெரிவிக்கின்றன.

தனது உடல் நிலையில் எப்போதும் மிகவும் கவனமாக இருக்கும் ஒரு பிரபலம் இதுபோல சட்டென்று இறந்துபோவது நம்பமுடியாத ஒரு விஷயம்.

என்ன ஆனது சிறிதேவிக்கு?

இதனை தெரிந்துக் கொள்ள கார்டியாக் அரெசுட் என்றால் என்ன என்று புரிந்துக் கொள்ள வேண்டும்.

கார்டியாக் அரெசுட் என்றால் என்ன?

கார்டியாக் அரெசுட் என்றால் என்ன? எப்படி அது கார்ட் அட்டாக்கிலிருந்து (மாரடைப்பு) வேறுபடுகிறது?

சிறிதேவி மரணத்தில், `உடனடியாக`. `திடீரென்று' இறந்தார், ஆகிய பதங்கள் பயன்படுத்தப்படுகின்றன. ஏன் அந்த பதங்கள் பயன்படுத்தப்படுகின்றன?

கார்ட் இணையதளத்தின் தகவலின்படி, கார்டியாக் அரெசுட் என்பது உடலில் எந்தவொரு எச்சரிக்கையையும் காட்டாமல் திடீரென்று ஏற்படுவது.

இதயத்தில் ஏற்படும் மின் இடையூறுகள்தான், பொதுவாக, கார்டியாக் அரெசுட்டுக்கு காரணம். இந்த இடையூறு, இதயத் துடிப்பில் ஆதிக்கம் செலுத்தி, அதன் நிகழ்வுத் தன்மையில் குறிக்கிடுகிறது.

இது இதய குருதி ஓட்டத்தில் ஆதிக்கம் செலுத்தி, மூளை, இதயம் மற்றும் உடலின் பிற பகுதிகளுக்கு குருதி செல்வதை தடுக்கிறது.

கார்டியாக் அரெசுடால் பாதிக்கப்பட்டவர்கள், அடுத்த சில நொடிகளில் தங்கள் சுயநினைவை இழக்கிறார்கள்.

சரியான நேரத்தில் சரியான சிகிச்சை அளிக்காவிட்டால், கார்டியாக் அரெசுட் சில விநாடிகளில் அல்லது சில நிமிடங்களில் மரணத்தை கொண்டு வரும்.

கார்டியாக் அரெசுட்டால் சிறிதேவி இறந்திருக்கலாம் எனும் பட்சத்தில், இப்படிதான் அவர் இறந்திருப்பார்.

திரையில் மின்னிய சிறிதேவி: அரிய புகைப்படங்கள்

கண்ணே, கலைமானே: டிவிட்டரில் கலங்கிய கமல், ரயினி, பிரபல நடிகர்கள்

கார்டியாக் அரெசுட்டால் ஏற்படும் மரணங்கள் தவிர்க்க முடியாததா?

அமெரிக்காவை சேர்ந்த மூத்த மருத்துவர், செளரப் பன்சால், பிபிசியிடம்,"இது சோகமான ஒன்று. பொதுவாக கார்டியாக் அரெசுட் வரும் என்று யாரும் நினைத்துக் கூட பார்க்க மாட்டார்கள்" என்கிறார்.

"கார்டியாக் அரெசுடை மரணத்திற்கு, முந்தைய கடைசி கட்டம் என்று கூறலாம். இதன் பொருள் என்னவென்றால், இதயம் தன் துடிப்பை நிறுத்தி, மரணத்தை கொண்டுவருவது."

என்ன காரணத்தினால் ஏற்படுகிறது?

பன்சால் விளக்குகிறார், "இதற்கு பல்வேறு காரணங்கள் உள்ளன. பொதுவாக பிரதான மாரடைப்பு இதற்கு காரணமாக இருக்கலாம்".

"ஆனால், அதே நேரம், 54 வயதில் ஒருவருக்கு உயிரை கொல்லும் மாரடைப்பு வருவது எல்லாம் மிகவும் குறைவு. அவருக்கு வேறு ஏதேனும், உடல்நல பிரச்சனைகள் இருந்து இருக்கலாம். ஆனால், அது என்ன என்று நமக்கு தெரியாது." என்கிறார்.

கார்டியாக் அரெசுட்டுக்கு ஏதேனும் அறிகுறிகள் உள்ளதா?

பெரும் பிரச்சனை என்னவென்றால், கார்டியாக் அரெசுட் எந்த அறிகுறிகளையும் காட்டாது. திடீரென்று ஒருவருக்கு ஏற்படும் என்பதுதான்.

இதயத்தில் மின் செயல்பாடுகள் மோசமடைந்து, இதய துடிப்பை நிறுத்தும்.

காட்டியாக் அரெசுட்டுக்கு பல காரணங்கள் உள்ளன. குறிப்பாக சில இதயம் சம்பந்தமான நோய்கள், கார்டியாக் அரெசுட் ஏற்படும் சாத்தியத்தை அதிகப்படுத்தும்.

இதயத் தசைநோய் பிறவி இதய கோளாறுகள் இதய வால்வில் ஏற்படும் கோளாறுகள்

கார்டியாக் அரெசுட்டுக்கு வேறு சில காரணங்களும் உண்டு. அவை,

மின்னதிர்ச்சி

அளவுக்கு அதிகமாக மருந்தை உட்கொள்வது.

நீரில் மூழ்குதல்

தவிர்க்க முடியுமா? கார்டியாக் அரெசுடை குணப்படுத்த முடியுமா?

முடியும். நெஞ்சில் மின் அழுத்தம் கொடுப்பது மூலம் குணப்படுத்த முடியும். இதற்கு `டெஃபிபிரிலேட்டர்` என்ற உபகரணம் தேவைப்படும்.

இந்த உபகரணம் அனைத்து பெரிய மருத்துவமனைகளிலும் பயன்படுத்தப்படுகிறது.

டெஃபிபிரிலேட்டர் இல்லாத நேரத்தில் என்ன செய்ய வேண்டும். கார்டியோபல்மோனரி ரிசைடேசன் (சி.பி.ஆர்)-ஐ பயன்படுத்தலாம். இதில், நோயாளியின் நெஞ்சுக்கு அழுத்தம் தரப்படும்.

இதுவும் இல்லாதபட்சத்தில், நேயாளியின் வாய் மூலமாக காற்றை செலுத்தி சிகிச்சை அளிக்கலாம்.

கார்டியாக் அரெசுட்டுக்கும்... கார்ட் அட்டாக்கிற்கும் என்ன வித்தியாசம்?

பலர் கார்டியாக் அரெசுட்டும், கார்ட் அட்டாக்கும் ஒன்று என்று நினைக்கிறார்கள். ஆனால், அது உண்மை அல்ல. இரண்டிற்கும் வித்தியாசம் உள்ளது.

இதய தமனியில் ரத்த உறைவு ஏற்படும் போது கார்ட் அட்டாக் ஏற்படுகிறது.

இதயம் பயங்கரமாக வலிக்கும். பல சமயங்களில் இதன் அறிகுறிகள் பலவீனமானதாக இருக்கும். ஆனால், போதுமான சேதத்தை இதயத்திற்கு ஏற்படுத்தும்.

மாரடைப்பின் போது, இதயம் தொடர்ந்து பிற பகுதிகளுக்கு ரத்தத்தை செலுத்தும். மாரடைப்பால் தாக்கப்பட்டவர் சுயநினைவோடுதான் இருப்பார்.

ஆனால், அதே நேரம் கார்ட் அட்டாக்கால் பாதிக்கப்பட்டவர்களுக்கு கார்ட்டியாக் அரெசுட் வரும் வாய்ப்புகள் மிக அதிகம்.

எளிமையாக பன்சால் விளக்குகிறார், "கார்டியாக் அரெசுட் என்றால் இதய துடிப்பு நின்றுபோதல். கார்ட் அட்டாக் என்றால், இதயம் போதுமான இரத்தத்தை பெறாமல் இருத்தல்."

 

 

வன்னிப் பரணி

வன்னி அவலங்கள் 1-வன்னி அவலங்கள் - 2 பூநகரி.பொன்னம்பலம்.முருகவேள்.ஆசிரியர் 03.06.2009.

வன்னி அவலங்கள் 1 பூநகரி பொன்னம்பலம்.முருகவேள்ஆசிரியர்

வன்னி அவலங்கள் 1 பூநகரி பொன்னம்பலம்.முருகவேள்ஆசிரியர்

என்றும் எவரிடமும் எதற்கும் கை ஏந்தாத மக்கள்

வாழ்ந்து வைரம் பாய்ந்த மனம்கொண்ட

நால்வகை நிலமதை நிறையப்பெற்ற வன்னியில்

தமிழ்க்கொலை செய்வோர் புகுந்தனர் இரண்டாயிரத்து நாற்பதில்.

 
முள்ளிவாய்க்காலின் மூன்றாம் ஆண்டு என்று துள்ளிக்குதிக்கப்போகும் தமிழ் ஊடகங்கள் கட்டுரையாளர்கள் கவிதைகார்கள் எள்ளவு ஏனும் செய்ததுண்டா?பூநகரி பொ.முருகவேள்ஆசிரியர்

சுவிசு07.05.கி.ஆ2012தமிழாண்டு2043-

இந்தமாதம் முள்ளிவாய்காலின் மூன்றாம் நினைவுக்காலம். தமிழர்களின் கனதியான உணர்வுக்காலம் தான்.

உண்மையைச்சொல்லப்போனால் அதிகமான அழைப்பிதழ்கள் வந்திருக்கும்காலம்உண்மைஇதுதான்!

ஆண்டாண்டுநடந்த சண்டையில் மாண்டு போனவர்கள் போகட்டும் அவற்றைச்சொல்லி இந்நாட்டினரானோம்.